搶呀! 去搶呀! 一齊去搶呀!

之前講過家陣有酒賣既地方都減緊價，咁我地當然都唔走雞一齊去襯下熱鬧。我地昨日就去咗carrefour入貨。星期六既carrefour通常都係人多啲，但係啲酒減價就更加多人，推住架車仔都有啲困難，一路行一路要不斷"pradon"(法語的不好意思)。我們主打當然係紅酒，由於我們通常每個星期都會去朋友屋企食飯或有朋友到我們家吃個「肥記也也烏」飯，所以紅酒係我們既「鎮家之寶」，今次減價當然都去搶埋一份啦。呢到買到既紅酒就等於香港既一半價錢，而且呢到有好多選擇，就算係4、5蚊歐羅既紅酒一樣味道不錯。

呢到啲人都係同我地一樣咁搶酒，一手慢少少就已經買唔到心頭好。而且呢到啲人一買就起碼兩、三打，真係好似唔使錢咁。我地呢啲慳家，所以只係入咗打半貨。不過真係好平，而且酒既種類都比平時多，有時都唔知邊隻酒好，就睇吓邊隻酒係個架上少貨，咁就買嗰隻通常都無死。

來咗法國其中一個好處就係啲酒平好多，以前係香港請朋友食飯，剩係買酒都已經要破產....家陣就經濟好多。