星期日去咗第五區既清真寺行，本來打算到裡面走走，不過突然落大兩，所以只係去咗清真寺背面既cafe坐同歎杯薄荷茶同中東既甜點。呢間餐廳都好多人到，大部份都係遊客。我地選擇係花園坐，週圍都係花花草草，環境好遊閒。當肥外買咗甜點坐底既時候，一群麻雀已經係週圍守候，係我地唔覺意既時候就會走近兩步。搞到我地好似打仗咁，守住我地既甜點，一唔小心就會俾人突襲成功，偷咗啲餅碎，情況都幾搞笑。
呢到既薄荷茶都幾好飲，係我expect之外，而我就唔係咁好佢既甜點，因為真係好好好甜架，肥外呢個甜怪就差唔多食晒3件，唔怪之佢來咗巴黎之後，身形一路......
係清真寺後面就係 jardine des plantes，又好多唔同種類同既稀有品種既花花草草，都係一個影相既好地方。
清真寺Mosguee de Paris
Rue Geoffroy
Metro Place Monge (7綫)
星期四至日 9am-12pm, 2pm-6pm開放
回教假日休息
另外今日有個好消息，好可能我好快(等多兩個星期)可以合法上網啦，horay!!
2 則留言:
你好呀, 從 openrice 發現你的 Blog, 十分高興, 因為我十月初會到巴黎旅行, 正當我為巴黎昂貴的消費發愁之際, 見到你介紹"巴黎翠華", 簡直有如發現寶藏一樣. 尤其是, 我很大機會住在第九區. 請問巴黎翠華最近邊一個 Metro station?
希望你可以介紹多D巴黎地道, 又平既餐廳, 又或者一些更經濟可解決三餐的方法. 多謝你呀.
多謝你喜歡我既介紹。到chantier可以係第九線grand boulevard metro落車行1分鐘就到架啦 。
張貼留言