其實都唔係發生今日既事，應該係星期三啦。無，由於已經煮咗4日飯，所以就提議出街食飯，咁又好耐無來過嫦記，所以就決定走幾條殺上去。
一開lift門，就會聽到"嫦記、"豬"記"，真係爭得激烈。其實我兩間都試過，味道差唔多，不過"豬"記就比較多新野，不過我本人就鐘意嫦記，因為佢服務好啲同埋啲餸無咁怪。
嗰晚叫咗椒鹽鮮魷，strawberry牛柳同西蘭花帶子。
椒鹽鮮魷 - 好味但係似避風塘多過似椒鹽
strawberry牛柳 - 賣相幾差，睇唔到有strawberry，但係就味道都唔錯，同沙拉骨同一個醬。
西蘭花帶子 - 賣相同味道唔錯，帶子食落幾新鮮，西蘭花又唔會抄得太"林"或太硬，啱啱好
跟埋汽水兩枝都係200蚊，幾經濟，你地可以試吓呀。
開飯啦介紹
沒有留言:
張貼留言